IMG_8427_Ausschnitt.jpg

Heiterebeck!

Samichlaus, ich freue mich, äntli bisch du cho!

Wiso hesch de Esel nöd au grad ine gno?

Heiterebeck! De armi Kärli, immer muess er warte!

Hätt ihm gärn mys Zimmer zeigt und vom Chindergarte

s Bastelzüüg und überhaupt, all my tolli Plunder.

Samichlaus, chasch sicher sy, es näämt de Esel wunder. Samichlaus, wenn wider chunsch bitte dänk de draa,

lass dy Esel s nächschte Jaar nöd verrusse staa!  

Ich bi en chline Stumpe

Ich bi en chline Stumpe,

tue gärn chli umegumpe,

ä Lumpeornig mache

mit mine viele Sache.

Tue mängsmol gar nid lose,

ha Fläcke a de Hose,

tue vielmol umestoh

statt weidli hei-zue goh.

Doch darfsch du s Mueti froge,

ich tue keis Tierli ploge.

Drum Chlaus bis so en Guete,

verschon mi vor de Ruete!

Bring doch nur gueti Sache,

wie tätsch du Freud mir mache!

Und gäll, säb weisch sit färn,

i ha mis Mueti gärn! 

Was isch säb für es Liechtli? 

Was isch säb für es Liechtli?  Was isch säb für en Schii?

de Chlaus mit de Latärne lauft grad de Wald dur y.

Sin Esel, de hed glaade, er rüeft, J-a, J-a!

Hüt dörf i mit mim Meischter ämal is Stedtli ga!

Im Sack, da häts vill Nusse, au Tirggel, Zimmetschtärn,

die träg ich, wär's en Zentner, für d'Chinde na so gärn! 

D'Stube isch na hell 

D'Stube isch na hell.

Samichlaus, chumm schnell!

Au zu mir, i bitt;

d'Ruete nimm nöd mit!

Blyb nöd duss im Gang!

Lueg nu, wien i plang,

bis d'mer öppis gisch,

will d'en Guete bisch.

Pack jetz weidli us!

Mach di breit im Huus!

Nachher will i gly

ganz en Brave sy.  

Arme Chlaus, wie häsch's du sträng!

Arme Chlaus, wie häsch's du sträng!

gäll, dä Weg isch grüüsli lang,

u de Chinde, zu de nette

wo so gern äs Päckli hetted! S

äg mer, langts ächt au für mi,

wänn ich ganz ä Liebi bi?

Samichlaus, wo chunsch du här?

Samichlaus, wo chunsch du här?

Siebehundert Stund wiit här!

Samichlaus, isch s'Seckli schwär?

Siebehundert Pfund isch's schwär!

Samichlaus, mach's weidli läär!

Dänn isch s'Seckli nümme schwär!  

Ich bin än chliinä Pfüderi 

Ich bin än chliinä Pfüderi das sägäd alli Lüüt

ich möcht so gärn än Grossä sii doch streckä, das nützt nüt gäll Samichlaus, das weisch du scho chumm glich i öises Huus

und läär no vor äm Witergoo dä Sack i'd Stubä us.  

Es nachted scho und s'schneieled 

Es nachted scho und s'schneieled, du liebi Zyt, ganz grüüsli,

de Chlaus leid jetzt sin Mantel aa, und bschlüsst druf no sys Hüüsli. Er holt de Schlitte us em Schopf, spannt s'Eseli gschwind aa,

und laded d'Seck und d'Ruete uuf, won är für d`'Chind mues haa. Hü Trämpeli, seit er, s'isch Ziit, d

e Wäg is Städtli isch no wiit.

Mier händ hüt Abig gar vill ztue,

hü, Trämpeli, lauf artig zue.

Wie sind die Seck so dick und schwär,

wer chund ächt d'Ruete über, wer?

De Chlaus weiss alles ganz genau,

drum, Chinde, bitte, folged au. 

Stress

Samichlaus, i ha's so sträng

drumm isch mis Värsli nid so läng

näb Hobbies und em Ufzgi mache

bliit kei Zyt for söttigi Sache

und i ha dänkt du siggsch au froh

wenn zügig vorwärts chönnisch cho  

Farbige Schmutzli

liebe Schmutzli, säg emou

was söll die ganz schwarzi Show

wieso hesch du als schwarze Maa

au no schwarzi Chleider a

du hättsch doch sicher i diim Bruef

farbig vell dr besser Ruef

chönntsch moll us dir use go

nid immer nur im Schatte stoh

Dr Samichlaus gsäch sicher ii

dass au im Rmpeliecht wettsch sii

hey Schmutzli, gäll, du schaffisch dra

und nöchscht Johr leisch di anders aa  

Bliib wie d'bisch

Samichlaus hets dir de Bart verschneit?

oder bisch öppe ine Schneehufe gheit

hät din Esel ächli z vell Sorge?

oder isch er im Alter grau worde

esch dini Lieblingfarb rot wie Füür

oder wär en Ledermäntel z'tüür?

nei Samichlaus, s'isch guet wied bisch

und legg mir jezt bitte d'Nüssli uf de Tisch

Was i nid ha gmacht

I hätt jo chönne drvo rönne

am Papi Rächnige verbrönne

am Pöschtler e Dummi ha

gmein si zum ne alte Ma

nid grad hei cho nach dr Schuel

immer schoukle uf em Stuehl

d'Ufzgi no vell meh vergässe

und gar nie s'Znacht ufässe...

Wenn i dänke was i aus nid ha gmacht,

du liebe Chlaus de dunkt's mi, dass' dinne liit

dass es für mi es Säckli git  

Churschnurz

Was stohsch so lang i öisem Garte?

Samichlas, i cha nömm warte

i ha mis Värsli fertig gmacht

und säge dir jetzt gueti Nacht 

IMG_8428-1_Ausschnitt.jpg

Frag 

Samichlaus i han e Frag:

säg, was machsch du jede Tag?

Flügsch im Summer au devo,

uf en Insle irgendwo?

Lisch mit Badhose am Strand,

hesch es Schoggiglac� i de Hand?

Gasch go fische mit dim Bart?

Machsch im Car e Stadtrundfahrt?

Oder bisch du doch lieber dihei,

i dim Wald so ganz elei?

Höcklisch gmüetli vor dim hus?

säg, ich lache dich nöd us! 

Hed de Samichlaus es Hobby 

Hed de Samichlaus es Hobby? Striitet är met em Schmotzli nie? Muess är mängisch au id Migros? Good är au mol eis go zie? Stenkts ehm ned, a alles z'dänke? Ond zo so vell Chende z'goh? Wiso weiss är, won ech wohne, ond öb ech au gfouget ha?

Hed de Samichlaus e Chatz? Chond är am Computer drus?

Chan är italiänisch singe? Schlooft är amene Sonntig uus?

Frogi s'Mami - weiss sis ned. Si luegt mech nor gschpässig aa. Blenzlet, lachet ond seid eifach: är esch halt e bsondere Maa! Verschiedeni chlini Värsli Samichlaus, ich bi so froh,

dass du hütt zu mir bisch choo

Du weisch, ich tue gern Nüssli ässe:

häsch miis Säckli nöd vergässe?  

Hoi Samichlaus, du liebe Maa

lueg mi ja nöd so sträng a! Drum stan ich au bim Mami zue,

will i scho chli zittere tue.

Du weisch ja, ich bin immer artig gsii

weisch, ich chan doch gar kein Böse/Bösi si

Du Chlaus, mach dem jetzt äs End

und gimmer feini Sache, grad so id Händ!  

S'isch mer gspässig z'Muet

bis du Chlaus so guet: Tue nöd mir mer schimpfe!

Tue nöd d'Nase rümpfe!

Gimmer lieber gueti Sache,

weisch, dänn chani wider lache!  

De Wald isch wiis und voller Schnee

ch glaub, ich han de Chlaus grad gseh.

Mis Herzli chlopfed ganz fescht und gschwind,

gaht er no zu andere Chind?

Chum ine, liebe Samichlaus, und lär Diin Sack grad us,

chumm, bliib doch no es Wiili i öisem warme Huus!  

Lueg, Samichlaus, ich bi no chlii

und scho mängisch äs Luusmeitli/än Luusbueb gsii

Aber weisch, ich cha au ganz e/en liebi/e si,

drum Samichlaus, gell, chunnsch wider ämal verbii! 

Fliisige Samichlaus

Tüüf im Wald, bi de Füchs und Hase

stigt eim e feine Duft i d'Nase

zwüsche Tanneböim und Bueche

schmöckt's nach Zimmet und Läbchueche

dr Samichlaus tuet Bänze bache

und viel andri feini Sache er

füüred ii, bis mümme goht

und macht so s'schönschte Oobigrot.  

Kei Chabis

Samichlaus, bevor du chunnsch

tschegg de bitte zersch mit Wunsch

bitte bring kei Chabis hüür

weisch, d'Sackgebühr isch afe tüür

Und statt uf Ebay Züüg z'verdeale

wett i lieber chli verwiile

bi Spieli, wo mir würkli gfalle

i hoff schwär, du tüegsch das schnalle

hesch mi jo s'ganz Johr überwacht

dänk no ab miine Streiche glacht

drumm settsch jetz wüsse, was i wott

gäll Samichlaus, du bringsch kei Schrott 

Du liebi Zit

Samichlaus, du liebi Zit

jetz esch es scho weder so wit

du stohsch do i öisem Ruum

ond ech cha mis Värsli chum

e be drum grad e chli nervös

und hoffe, du besch mer ned bös

s'nögscht Johr tueni's ischtudiere

chasch mer denne gratuliere  

Dicke Bänze

Grittibänze, Grittibänze

dir sit schön mit öichne Ränze

bi froh, dass dir so Dicki sit

nur schad, dass'öich nid s'ganz Johr git  

Eis för Meitli

Samichlaus hesch du gwüsst

dass e no nie en Frosch ha küsst

Samichlaus, e weiss no meh

e spele gärn die chli Lilli-Fee

Schmichlaus, jetz mues i säge

e be grad e chli verläge

dech hani lieber als de Märliprinz

wenn du mer so feini Sache bringsch  

Eis för Buebe

Samichlaus, du muesch gseh

Spiderman esch nüt gäg deh

de Spongebob macht au cooli Sache

doch dä cha keini Bänze bache

de Tarzan esch im Dschungel gebore

doch uf dem Schnee het dä verlore

drom fire mer met der das Fescht

denn Samichlaus, du bisch de Bescht  

No jung

Samichlaus, i bi no jung

und drumm säg i Entschuldigung

dass s'Mami hilft bim Värsli säge

i hoff du hesch nüt drgäge

Muesch verstoh, bi öis dehei

macht me so Schwierigs nid elei

Wenn i es Säckli überchume

gib i am Mami, glaub mir's nume d

as verspriche i dir jetz

au e Mandarineschnitz

S'Mami seit

S'Mami gseit, Gmües isch gsund

debi isst's nid emol mi Hund

s'Zimmer ufruume, jede Tag d

as isch für mich die gröschti Plag

Zähn putze, noch jedem ässe

mängisch würdis gärn vergässse

doch wenn's Mami seit, dass du glii chunsch

erfüllt ich ihre jede Wunsch